Preparación Podemos empezar fervendo os ovos nunha cazola. Como non queremos que estean cocidos de todo, deixarémolos arredor de 7 minutos para que poidan desprender un pouco de xema. Mentres ferven os ovos, prepararemos o aguacate. Podemos ter o aguacate cortado ou en lascas. Tamén se pode triturar e poñer nunha cunca, tipo guacamole. Nós optamos por facelo en lascas. Torraremos o pan de centeo para lle dar un toque crocante e montaremos a tosta. Presentación Sobre o pan torrado colocaremos o aguacate e enriba os ovos en lascas e un pouco de sal en escamas. Se lle queres dar un toque diferente, engade uns piñóns salteados.
