Preparación Comezarase por preparar a salsa picante picando o dente de allo e a cebola. Mesturarase o allo, a cebola e os xalapeños xunto coa salsa de tomate e triturarase todo ben ata que quede unha mestura homoxénea. Botarase a mestura na tixola e cociñarase a lume baixo durante 10 minutos engadindo o vinagre e o sal. Unha vez que a salsa estea feita, apagarase o lume e reservarase a salsa. Porase a auga a ferver nunha pota para cociñar o arroz. Entrementres, cortarase o pavo en tacos, aliñarase con sal e pirixel e comezarase a saltealo nunha tixola á par que se engade o arroz e se deixa que ferva durante 12 minutos aproximadamente. Cando os tacos de pavo estean case listos, baixarase o lume e engadirase a salsa picante. Pódese engadir por riba ou poñela á parte por se a alguén non lle gusta o picante. Cando o arroz estea cocido, retirarase a pota do lume para o colocar en tres moldes e acompañar o prato dun xeito orixinal. Presentación Nunha bandexa alongada, colocaranse os tacos de pavo aliñados coa salsa picante e o arroz coa forma do molde.Pódese engadir algunha herba aromática para decorar.
