Preparación O primeiro será cortar o polo en anacos. Para que sexa máis doado, colocarase o polo coa peituga cara arriba sobre unha táboa para cortar, separaranse as dúas patas do polo e, unha vez cortadas, dividirase a pata do zanco. O seguinte será pór o polo coa peituga cara abaixo e cortala xunto á á para separalas acto seguido. Unha vez que o polo estea en anacos, farase o mesmo cos vexetais: as mazarocas, cenorias e porros en toros, a cabaza en tacos cadrados e as patacas déixanse enteiras. Nunha pota, porase o polo en anacos cos vexetais e engadirase caldo de polo ata cubrilo. Botaráselle unha chisca de sal e cocerase todo ata que o polo estea tenro (25 minutos aproximadamente). Presentación Nun prato cun pouco de profundidade, acompañaranse os anacos de polo coa gornición e regarase por riba co caldo de polo.
