Preparación O primeiro paso será cortar o polo en anacos en porcións do tamaño dun puño e adobalos con allo, pirixel e sal machucados previamente nun morteiro. Pasaremos o polo por fariña e dourarémolo na tixola cun chorro abundante de aceite. Unha vez dourado, retirarémolo e reservarémolo nun prato. Nese mesmo aceite poremos a cebola e o porro picados e o tomate. Cando a cebola estea transparente, engadiremos de novo o polo, a améndoa triturada e o piñón machucado. Incluiremos o caldo e o vaso de viño branco e deixaremos cocer todo a lume lento co ovo cocido picado. Presentación Podemos servir o polo na mesma pota acompañado dunha cunca de arroz.
