Preparación Esta receita de peituga de polo estilo oriental con polo de Curral con pel é a cousa máis doada e lucida que se poida un imaxinar e como se acompaña duns noodles de arroz que tamén se fan sós, ou case, o nivel de cociña necesario para executar esta receita é practicamente nulo. Neste caso imos cociñar a peituga de polo con pel en airfryer, pero pódese facer perfectamente no forno convencional. Así que podes optar pola fórmula que mellor che pareza. Que a peituga teña pel, independentemente de que se coma ou non, fará que a peza quede moito máis zumarenta e tenra. Proba a cociñar con pel e xa verás a diferenza. Pasos para preparar a peituga de polo ao estilo oriental: Comeza macerando a peituga de polo nunha mestura de: zume de 1 laranxa, 2 culleradas de salsa de soia, 1 cullerada de aceite de sésamo, 1 cullerada de sementes de sésamo e unha cullerada de curry en po. Deixa macerar polo menos unha hora. Pon a quecer a airfryer a 195º, introduce as peitugas coa pel cara arriba, verte tamén o prebe do macerado e decora con máis sementes de sésamo. Cociña 15 minutos dándolle a volta á metade do tempo. Finaliza no forno 3 minutos máis coa pel cara arriba a 205º. o No caso de que queiras empregar o forno ou non teñas airfryer: 5 minutos a 250º e 13 minutos máis a 180º. Mentres asan as peitugas, corta fino o talo dun ceboliño e ferve auga nun cazo. noodles de arroz xunto co talo de ceboliño cortado que tiñas reservado. Pasados 3 minutos, decorre a auga, mantén a pasta no cazo e engade o prebe sobrante do cociñado do polo. Mestura ben cos noodles e o acompañamento estará listo para esta deliciosa peituga de polo ao estilo oriental. Presentación Coloca no prato unha cama dos noodles salteados co prebe e o ceboliño e pon sobre eles unha peituga de polo de Curral con pel de Coren.
