Preparación O primeiro que faremos será poñer a desalgar o lacón enteiro sen a pata durante 72 horas, cambiándolle a auga cada 12 horas. Unha vez desalgada a carne (á hora de facer un prato coma este temos que prever este proceso previo), limparemos o lacón e porémolo a cocer nunha pota con auga que o cubra. Ás 2 horas, retiraremos o lacón e utilizaremos ese mesmo caldo para cocer as patacas e os chourizos. 10 minutos antes de que estean as patacas cocidas, engadiremos os grelos moi ben lavados e cortados previamente en anacos. Cando todo estea cocido, engadiremos o lacón 3 ou 4 minutos para lle dar o toque final de temperatura. Presentación Emprataremos por unha banda os grelos, as patacas e os chourizos e noutra fonte, cortaremos o lacón ao noso gusto.
