Preparación Comezarase por preparar o aderezo da paleta cortando os allos moi finos e engadíndoos xunto co aceite, o sal e a pementa branca nun morteiro. Unha vez que estea a mestura feita, unta toda a peza e déixaa macerando uns minutos, reservando un pouco de aderezo. Pon a quecer o forno a 180º e introduce a paleta. Se tes unha cazola de barro, o resultado será perfecto. No fondo da cazola, pon o aderezo que sobrou. Unha vez que a paleta estea no forno, sube a temperatura a 200º e deixa que se faga durante unhas 2 horas observando cada media hora se é necesario untalo cun pouco máis de salsa. Mentres a paleta está no forno ferve a cenoria e pasa na prancha os espárragos trigueiros, o pemento cortado en tiras finas e a cabaciña previamente laminada. Unha vez que a paleta estea feita, retíraa do forno e lamínaa ao gusto. Presentación Para que o prato quede perfecto, coloca en primeiro lugar as láminas de paleta e, para a gornición, envolve as láminas de cabaciña coa cenoria, o pemento e os espárragos trigueiros no seu interior previamente cortados en anacos. O resultado, delicioso!
