Preparación Comezamos pondo a quecer unha tixola cun chorro de aceite e incorporando a cebola, previamente cortada en “brunoise”. Mentres se fai a cebola, cortamos 2 chourizos Selecta en taquiños e, cando a cebola estea rustrida, engadímolos deixando que se fagan un par de minutos. Engadimos os chícharos (previamente cocidos) e refogamos ben outros dous minutos engadindo ½ cullerada sopeira de viño branco. Ao mesmo tempo, nunha pota con auga fervendo e cun escalfador de ovos, engadimos un ovo e deixámolo cocer outros dous minutos para ter o noso ovo “poché”. Unha vez que estea cocido, retiramos os chícharos co chourizo e a cebola a un prato e colocamos o ovo enriba. Presentación Partimos a xema do ovo no prato e mesturamos.
