Preparación O primeiro será limpar o solombo quitándolle a graxa e os nervios. Envolverémolo nun film e meterémolo no conxelador arredor de 40 minutos. Mentres a carne está no conxelador, prepararemos o adobo ou aderezo. Nunha cunca, espreme os limóns ata chegar aos 50 ml de zume e, acto seguido, mestúrao co aceite de oliva, engadindo un toque de sal e de pementa ao gusto. Pasados os 40 minutos, retira o solombo do conxelador quitándolle o film e córtao en filetes moi finos. Pódeste axudar dun martelo de carne ou da man do morteiro para os aplanar un pouco máis. Só queda preparar o queixo parmesano. Usa un raiador para facer lascas e gardalas nunha cunca. Presentación Podes colocar o carpaccio nunha bandexa, aderezándoo coa mestura que se fixo previamente e, como toque final, engade as labras de queixo parmesano. Podes acompañalo cunha ensalada de rúcula que leve o mesmo aderezo e unha manchea de piñóns.
